Aktrisa Jennifer Eniston ajrashmoqda

“Do‘stlar” serialidagi Reychel Grin roli bilan tanilgan amerikalik aktrisa Jennifer Eniston va uning turmush o‘rtog‘i, aktyor va ssenarist Jastin Teru ajrashishi haqida ma’lum qildi. Bu haqda 15-fevral kuni TMZ portali ma’lum qildi, deb yozadi “TASS”.

“Biz yo‘llari ayro tushishi lozim bo‘lgan eng yaxshi do‘stlarmiz. Avaylab saqlab kelinayotgan do‘stligimizni davom ettirishni istaymiz”, — deydi aktyorlar o‘z bayonotida. Nashrning ma’lum qilishicha, er-xotin 2017-yil oxirida ajrashish haqidagi qarorga kelgan.

Aktyorlar 2012-yilda unashtirilgan, 2015-yilda nikohdan o‘tgan edi.