Microsoft qariyb 400 mingta kompyuterga rejalashtirilgan kiberhujumning oldini oldi

Microsoft kompaniyasi qariyb 400 mingta Windows operatsion tizimi foydalanuvchisining kompyuteriga uyushtirilishi mumkin bo‘lgan kiberhujumning oldini oldi. Bu haqda “TASS” xabar berdi.

Xabar berilishicha, 6-mart kuni Windows operatsion tizimining antivirusi hisoblangan Windows Defender Antivirus qonuniy dasturiy ta’minot ko‘rinishida kompyuterlarga kirayotgan 80 mingta zararli dasturni bloklagan.

Qayd etilgan virus kompyuter tizimini egallab olish va ularni Electroneum kriptovalyutasi ishlash uchun moslashtirishga uringan.

Virusdan Rossiya, Turkiya va Ukrainadagi foydalanuvchilar zarar ko‘rishi mumkin edi.