Kanada federal politsiyasini ilk bor ayol boshqaradi

Kanada bosh vaziri Jastin Tryudo ilk bor mamlakat federal politsiyasi rahbarligiga ayol kishini tayinladi. Bu haqda “Izvestiya” xabar bermoqda.

CBC telekanaliga ko‘ra, Brenda Laki 1986-yildan beri politsiyada xizmat qilib keladi. U sobiq Yugoslaviyada tinchlikparvar kuchlar tarkibida bo‘lgan, Gaitida BMT missiyasi uchun politsiyachilarni o‘qitishga yordam bergan.

Laki joriy yil aprel oyi o‘rtalarida lavozimini egallashi kutilmoqda.

Eslatib o‘tamiz, oldinroq 8-mart kuni Yevropolga ilk bor ayol kishi rahbar etib tayinlangani ma’lum qilingandi.