2018-yil mart oyi uchun pensiya va nafaqa to‘lovlari to‘liq moliyalashtirildi

Budjetdan tashqari Pensiya jamg‘armasi 2018-yil mart oyi uchun pensiya va nafaqalar bo‘yicha to‘lovlarni moliyalashtirish hajmlari to‘g‘risida xabar berdi, deb yozadi Norma.

O‘zbekiston Respublikasi Prezidentining 2017-yil 2-fevraldagi PQ-2753-son qarorini ijro etish, shuningdek 3,1 million nafardan ortiq ishlamaydigan fuqaroga pensiya va nafaqa to‘lovlarini o‘z vaqtida yetkazilishini ta’minlash maqsadida Moliya vazirligi huzuridagi budjetdan tashqari Pensiya jamg‘armasi ijro etuvchi apparati tomonidan joriy yilning mart oyi uchun talab qilingan mablag‘lar 2018-yil 9-mart sanasiga qadar to‘liq moliyalashtirildi.