UzTrade Xitoyga 2 mln dollarlik to‘qimachilik mahsulotlari yetkazib berish bo‘yicha shartnomalar imzoladi

Xitoyning Shanxay shahrida bo‘lib o‘tgan YARN EXPO xalqaro ko‘rgazmasi yakunlari bo‘yicha UzTrade umumiy summasi 2 million dollardan oshiq shartnomalar imzoladi. Bu haqda Tashqi savdo vazirligi matbuot xizmati xabar berdi.

Ko‘rgazma doirasida UzTrade vakillari Xitoyning yetakchi to‘qimachilik kompaniyalari bilan mamlakat bozoriga o‘zbek to‘qimachilik mahsulotlari yetkazib berishni kengaytirish bo‘yicha muzokaralar olib bordi.

Kompaniya xitoylik sheriklar bilan birgalikda joriy yili Shanxay shahrida qo‘shma savdo uyi ochish masalasini ko‘rib chiqmoqda.