Surxondaryoda Damas va “KamAZ” to‘qnashdi. 2 kishi halok bo‘ldi, 9 kishi jarohatlandi

Surxondaryo viloyatining Sherobod tumanida 24-mart kuni katta talafotlarga sabab bo‘lgan yo‘l-transport hodisasi ro‘y berdi. Bu haqda IIV jamoatchilik va OAV bilan aloqalar boshqarmasi xabar berdi.

Shu kuni soat 16:30 atrofida J.Usmonov Damas avtomobilida “Sherobod—Jarqo‘rg‘on” yo‘lining   7-kilometrida qarama-qarshi tomondan harakatlanib kelayotgan A.Ziyodullayev boshqaruvidagi “KamAZ” yuk mashinasiga urilib, to‘qnashuv sodir etdi.

YTH oqibatida Damas yo‘lovchilari 1959-yilda tug‘ilgan M.Abdullayev va 2016-yilda tug‘ilgan L.Abduzoirov voqea joyida halok bo‘ldi.

Haydovchi J.Usmonov va yana 8 nafar yo‘lovchi jarohat olib, kasalxonaga yotqizildi.