Tramp: AQSh “juda yaqin vaqt ichida” Suriyadan ketishi mumkin

AQSh prezidenti Donald Tramp Qo‘shma Shtatlar IShID terrorchilik guruhi tor-mor etilgandan so‘ng Suriyadan ketishi mumkinligini ma’lum qildi. Bu haqda CNN xabar berdi, deb yozadi “Gazeta.ru”.

“IShIDni o‘ldiramiz, juda yaqin vaqt ichida Suriyani tark etamiz. Bu haqda endi boshqa odamlar g‘amxo‘rlik qilsin. Biz o‘z mamlakatimizga qaytamiz”, — dedi Tramp.

U, shuningdek, IShID egallagan hududlarining 100 foizini yo‘qotishini ta’kidladi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.