OAV: Facebook’ning yirik aksiyadori Sukerbergning iste’foga chiqishini xohlaydi

Mark Sukerberg Facebook rahbari lavozimidan ketishi lozim. Bu haqda Nyu-York pensiya jamg‘armasi investitsiyalari uchun javobgar amaldor aytib o‘tdi, deb xabar beradi “Korrespondent.net”.

Nyu-York meriyasi vakili va ayni paytda kompaniya investorlaridan biri bo‘lgan Skott Stringer Cambridge Analytica firmasi bilan siyosiy maslahatlashuvdan so‘ng foydalanuvchilarning shaxsiy ma’lumotlari oshkor etilishi bilan bog‘liq mojarodan so‘ng Facebook boshqaruvida jiddiy o‘zgarish bo‘lishi lozim deb hisoblamoqda.

Stringerning fikricha, Sukerbergning o‘rnini mustaqil boshqaruv raisi egallashi lozim. Shuningdek, boshqaruvga ma’lumotlar va etika masalasida tajribali uch yangi direktor kirishi lozim.