» » Toshkent xalqaro aeroportida dori vositalarining noqonuniy olib kirilishiga chek qo‘yildi

Toshkent xalqaro aeroportida dori vositalarining noqonuniy olib kirilishiga chek qo‘yildi


“Toshkent-Aero” ixtisoslashtirilgan bojxona kompleksi xodimlari tomonidan dori-darmon vositalarining mamlakatga noqonuniy olib kirilishiga qarshi chora-tadbirlar muntazam davom ettirilmoqda, deb xabar beradi bojxona kompleksi axborot xizmati.

Islom Karimov nomidagi Toshkent xalqaro aeroportida chegara-bojxona posti xodimlari Dehlidan uchib kelgan fuqaro J.Sodiqov tomonidan qiymati 24,4 million so‘mlik 1022 dona dori vositalarining noqonuniy olib kirilishiga chek qo‘ydi.

Shuningdek, mazkur postda 2018-yilning 22-mart kuni Istanbul va Dehlidan uchib kelgan 5 nafar yo‘lovchi tomonidan dori-darmon vositalarining yashirincha olib kirilishiga doir qoidabuzarliklar fosh qilindi.

Fuqarolar X.Sharipova, D.Majidova, M.No‘monova, G.A’zamova, S.Dalimova va B.Tolipovlar ruxsat etilgan me’yorlardan ortiqcha bo‘lgan 25 million so‘mdan ortiq qiymatdagi 1324 dona farmatsevtika mahsulotlarini olib o‘tmoqchi bo‘lgan. Ushbu qoidabuzarlarning aksariyati bojxonada yashil yo‘lak orqali o‘tayotganda to‘xtatib qolingan.

“Ular orasidagi shaxslardan biri B.Tolipovning qilg‘iliklari hammasidan o‘tib tushdi. Mazkur hodisadan ikki kun o‘tar-o‘tmas, yana Dehliga yo‘l olgan ushbu shaxs navbatdagi bojxona qoidabuzarligini sodir etdi”, — deyiladi xabarda.

Ya’ni, yashil yo‘lak orqali bojxonadan o‘tar ekan, uning bo‘yniga va qo‘liga taqilgan zanjirlar bojxonachilarning diqqatini tortdi. Sirtdan qaralganda, kumushga o‘xshaydigan ushbu taqinchoqlar aslida tilladan ishlangan bo‘lib, bojxonachilarni chalg‘itish maqsadida oq rangga bo‘yalgan ekan. Bundan tashqari, u qo‘lbola usulda tayyorlangan va tegishli probasi bo‘lmagan 1 dona quyma uzukni ham olib chiqmoqchi bo‘lgan.

Natijada, qoidabuzardan qiymati dastlabki hisob-kitoblarga ko‘ra taxminan 26,5 million so‘mni tashkil qiluvchi 171 gramm og‘irlikdagi tilla buyumlar olib qo‘yildi.

Hozirda mazkur holatlar yuzasidan bojxona tekshiruvlari va surishtiruv jarayonlari davom ettirilmoqda.



Manba: Daryo.uz
Опубликовано: admin (5-04-2018, 11:43)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Кто вы по знаку зодиака?

КТО НА САЙТЕ?
( 20) ( 0) ( 19) ( 1)
Юзеры:
- отсутствуют
Роботы:
Последние 20 посетителей... - отсутствуют