So‘rov: o‘zbekistonliklarning ko‘pchiligi o‘z jamg‘armalarini bankda so‘m ko‘rinishida saqlagan ma’qul deb hisoblaydi

O‘zbekiston Markaziy banki so‘rovida ishtirok etganlarning ko‘pchiligi ayni paytda milliy valyutadagi jamg‘armalarni bankda saqlash eng ma’qul yo‘l deb hisoblaydi. Bu haqda Spot Markaziy bankning 2018-yilning birinchi choragida iqtisodiyotda kuzatilgan inflyatsion kutilmalar to‘g‘risidagi hisobotiga tayanib xabar berdi.

Yanvar-mart oylarida o‘tkazilgan so‘rovda butun mamlakat bo‘ylab 750 nafar jismoniy shaxs va 300 yuridik shaxs qatnashdi.

So‘rov ishtirokchilarining 27 foizi o‘z jamg‘armalarini bankdagi hisobraqamda so‘mda, 24 foizi — naqd ko‘rinishda dollarda, 17 foizi — qisman bankda, qisman naqd ko‘rinishda saqlagan ma’qul deb hisoblaydi.