Toshkent shahrida yana 22 ta estakada quriladi

Toshkentda transport oqimini tartibga solish maqsadida yana 22 ta estakada qurish rejalashtirilgan. Bu haqda Toshkent shahar IIBB YHXB boshlig‘i Barat Mamenov ma’lum qildi, deya xabar beradi  Sputnik.

“Foydalanishga topshirilgan yo‘l o‘tkazgichlar tufayli Toshkent shahridagi harakatlanish muammoli bo‘lgan joylarda tirbandlik paydo bo‘lmayotgani qayd etilmoqda. Oxirgi paytlarda uchta ana shunday estakada qurildi. Ayni vaqtda Bunyodkor va Cho‘ponota chorrahasida yo‘l o‘tkazgich qurilmoqda. Ushbu ijobiy tajribani hisobga olgan holda, yana 22 ta estakada qurish haqida taklif kiritdik”, — dedi Mamenov.

YHXB rahbari yangi obyektlar shaharning aynan qaysi hududlarida qurilishi haqida keyinroq ma’lum qilishni va’da berdi.