Elektromobillar uchun dunyodagi eng tezkor quvvatlash uskunasi yaratildi

ABB Shvetsiya va Shveysariya kompaniyasi elektromobillar uchun dunyodagi eng tezkor quvvatlash uskunasini yaratdi. Bu haqda “Nauka.TV” yozmoqda.

ABB 1988-yili yaratilgan bo‘lib, elektrotexnika va elektr mashinasozlik bilan shug‘ullanib keladi.

Kompaniya taqdim etgan Terra High Power DC nomli, 350 kVt kuchga ega uskuna o‘rtacha elektromobilni bor-yo‘g‘i 8 daqiqa ichida quvvatlantiradi. Bu quvvat mashinaga 193 kilometr masofani bosib o‘tishga yordam beradi.

Bu Tesla quvvatlash stansiyalari ko‘rsatkichidan qariyb uch barobarga tezroqdir.