Xitoy O‘zbekistondan qishloq xo‘jaliklari mahsulotlarini import qilishni ko‘paytiradi

Xitoy O‘zbekistondan import qilinadigan qishloq xo‘jaliklari mahsulotlari assortimentini ikki nomdan 12 nomgacha ko‘paytiradi. Bu haqda “Gazeta.uz” xabar bermoqda.

Hozir O‘zbekiston XXRga gilos va mosh yetkazib beradi. XXR karantir xizmati bilan 26–30-aprel kunlari bo‘lib o‘tgan muzokaralarda Xitoy tomoni qovun, uzum, anor, shaftoli, nektarin, qaroli, xurmo, anjir, limon va yer yong‘oq import qilishga tayyorligini bildirdi.

Tomonlar qo‘shma laboratoriya yaratish hamda o‘zbekistonlik eksportchilar uchun “yashil koridor” tashkil etish masalalarini ko‘rib chiqdi.

Xitoy delegatsiyasi shuningdek ikki davlat karantin xizmatlari o‘rtasida hamkorlik kelishuvini imzolashga tayyorligini bildirdi.