FVV xodimlari Qurolli Kuchlar davlat muzeyiga tashrif buyurdi

9 may–Xotira va qadrlash kuni munosabati bilan Favqulodda vaziyatlar vazirligi xodimlari Qurolli Kuchlar davlat muzeyi hamda O‘zbekiston tarixi davlat muzeyiga tashrif buyurdi. Bu haqda FVV matbuot xizmati xabar bermoqda.

“Tashrif davomida harbiy xizmatchilar o‘tmishga xayolan sayohat qilib, O‘zbekiston hududida mavjud bo‘lgan qadimiy mudofaa qal’alar maketlari, qadimdan to bugungi kunga qadar mamlakat hududida yashab kelgan odamlar, ularning turmush tarzi, ayniqsa, ilk tosh davridan Markaziy Osiyo hududida qo‘llanilgan qurollar va muhofazaga taaluqli bo‘lgan ma’lumot va eksponatlar bilan tanishdi”, — deyiladi xabarda.