Nigeriyalik qaroqchilar tomonidan qo‘lga olingan BBC Caribbean kemasi kapitani aloqaga chiqdi

Nigeriyalik qaroqchilar tomonidan qo‘lga olingan BBC Caribbean kemasi kapitani aloqaga chiqdi. U ekipajning barcha a’zolari sog‘-salomat ekanligini bildirgan, deya xabar beradi “RIA Novosti”.

Qizim bilan kompaniyadagilar bog‘lanib, kapitanga qo‘ng‘iroq qilishga ruxsat berilgani haqida xabar bergan. U hamma sog‘-omon, tutib turish sharoitlari qoniqarli ekanligi, xavotirga o‘rin yo‘qligini aytgan.

Igor Ryaboy, asirlikdagi dengizchilardan birining otasi

Mazkur ma’lumotni Rossiyaning Nigeriyadagi elchixonasi ham tasdiqladi. 

Biz barcha dengizchilar tirik va salomat ekanligini tasdiqlaymiz. Elchixona bu vaziyat bilan shug‘ullanmoqda.

Artyom Romanov, Rossiyaning Nigeriyadagi elchixonasi press-attashesi

Eslatib o‘tamiz, BBC Caribbean kemasi bortidan qaroqchilar Rossiyaning 7 va Ukrainaning bir fuqarosini o‘g‘irlab ketdi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.