Avstriyada 7 ta masjid yopiladi

Avstriya kansleri Sebastyan Kurs hukumat 7 ta masjidni yopishi va mamlakatdan 60 nafar islom targ‘ibotchisini chiqarib yuborishini ma’lum qildi. Bu haqda Suddeutsche Zeitung gazetasining 8-iyun, juma kuni bergan ma’lumotiga tayanib, “Interfaks” xabar berdi.

Gazeta bergan ma’lumotlarga qaraganda, Venada — 4 ta, Yuqori Avtriyada — 2 ta hamda Karintiya federal yerlarida 1 ta masjid yopiladi. Ro‘yxatga “Kulrang bo‘rilar” ekstremistik tashkilotining masjidi ham kiritilgan.

Hukumat Avstriya konstitutsiyasiga zid bo‘lgan tashviqot ishlarini o‘rganishga qaratilgan tekshiruvlardan so‘ng shunday qarorga kelgan. Shuningdek, tekshiruv natijasida masjidlarning xorijdan noqonuniy ravishda moliyalashtirilishi aniqlangan.