Misr armiyasi Sinay yarim orolida IShIDning 10 nafar jangarisini yo‘q qildi

Misr armiyasi harbiy xizmatchilari Sinay yarim oroli shimolida IShIDning 10 nafar jangarisini yo‘q qildi. Bu haqda “TASS” xabar bermoqda.

Al-Watan portaliga ko‘ra, ekstremistlarga qarshi reydlar shimoliy Sinay viloyati poytaxti Al-Arish shahrida o‘tkazildi.

Jangarilar kuch tizimi xodimlariga hujum uyushtirish uchun foydalangan 3 ta transport vositasi ham yo‘q qilindi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.