Toshkentda tadbirkorlik bahona 1 mln dollar undirgan ikki firibgar qo‘lga olindi

5-iyul kuni Toshkent shahrining Yakkasaroy tuman IIBga tushgan hujjatlarda o‘ta yirik miqdordagi firibgarlik holati qayd etildi. Bu haqda IIV jamoatchilik va OAV bilan aloqalar boshqarmasi xabar berdi.

Hujjatlarga ko‘ra, 2014-yil 11-noyabrdan 2015-yil 25-maygacha bo‘lgan vaqt oralig‘ida Yunusobod tumanida yashovchi B.I. va Z.X. fuqaro S.A.ning uyida va Mirzo Ulug‘bek tumani Harbiylar shaharchasida unga tadbirkorlikni rivojlantirishlarini aytib, aldash yo‘li bilan ishonchiga kiradi.

Ular 1 milliondan ortiqroq AQSh dollari olib, bergan va’dalarini bajarmagan va pullarni qaytarib bermagan.

Mazkur holat yuzasidan ko‘rilgan choralar natijasida B.I. va Z.X. qo‘lga olindi.