Jizzaxda pedagogika institutiga 4 ming dollar evaziga o‘qishga kiritib qo‘yishni va’da qilgan firibgar ushlandi

Jizzax shahrida 11-iyul kuni shahar IIBga o‘qishga kiritish bilan bog‘liq firibgarlikka oid hujjat kelib tushdi. Bu haqda IIV jamoatchilik va OAV bilan aloqalar boshqarmasi xabar berdi.

Unga ko‘ra, 2017-yil 21-iyun kuni fuqaro M.X. “Zargarlik” MFY hududida tanishi Sh.O.ga qizini Jizzax davlat pedagogika institutiga o‘qishga kiritib qo‘yishini bildiradi.

Firibgar aldov yo‘li bilan undan 4 000 dollar olib, bergan va’dasini bajarmay, pullarni o‘z ehtiyojlari uchun ishlatib yuboradi.

Ko‘rilgan choralar natijasida M.X. qo‘lga olindi. Surishtiruv ishlari olib borilmoqda.