BMT Oq uyning “ikki davlat” tamoyili haqidagi bayonotiga javob qildi

BMT Falastin-Isroil nizosini tartibga solishda “ikki davlat” tamoyiliga sodiq bo‘lib qoladi. BMT bosh kotibi rasmiy vakilining o‘rinbosari Farxon Xak shu tariqa Oq uy vakilining Falastin davlatini yaratish majburiy emasligi haqidagi bayonotiga javob qildi, deb yozadi “RBK”.

“Siz bizning ikki davlat tamoyilini qo‘llab-quvvatlashimiz haqida xabardorsiz”, — dedi Xak, bundan boshqa izoh bermasligini ta’kidlar ekan.

Avvalroq AQShning yangi ma’muriyati Falastin-Isroil nizosini tartibga solishda “ikki xalq uchun ikki davlat” tamoyilining majburiyligini talab qilib turib olmasligi haqida AQSh ma’muriyatining yuqori mansabli vakili ma’lum qilgan edi.