O‘zbekistonda meva va sabzavotlarni “O‘zagroeksport” narxlaridan past narxlarda eksport qilishga ruxsat berildi

O‘zbekistonda meva-sabzavot mahsulotlariga eksport kontraktlarini “O‘zagroeksport” AJ tomonidan e’lon qilingan narxlardan past bo‘lmagan narxlar bo‘yicha tuzish tartibi bekor qilindi. Bu Prezidentning “O‘zbekiston Respublikasida investitsiya muhitini tubdan yaxshilash chora-tadbirlari to‘g‘risida”gi farmonida ko‘zda tutilgan, deb yozadi “Gazeta.uz”.

Shuningdek, meva-sabzavot mahsulotlarini eksport kontraktini tuzmasdan, “O‘zagroeksport” AJ rasmiy veb-saytida qayd etilgan narxlardan past bo‘lmagan narxlar bo‘yicha invoys asosida bojxona rasmiylashtiruvidan o‘tkazish tartibi ham bekor qilinmoqda.