Xorazmda 2015-yili dunyoga kelgan bolaga oradan uch yil o‘tib tug‘ilganlik haqida guvohnoma berildi

Xorazm viloyati Urganch tumani FHDYo bo‘limi va Davlat xizmatlari markazi xodimlari “Obod mahalla” dasturiga asosan uyma-uy yurib, aholiga huquqiy yordam ko‘rsatmoqda. Bu haqda Davlat xizmatlari agentligi Xorazm boshqarmasi “Daryo”ga xabar bermoqda.

Ish jarayonida M.L.ning 2015-yili Rossiyada dunyoga kelgan farzandiga shu kunga qadar tug‘ilganlik haqida guvohnoma berilmagani aniqlangan.

Shundan keyin bolaning tug‘ilgani haqida guvohnoma rasmiylashtirilgan va ota-onasiga taqdim qilingan.