O‘zbekiston telefon tarmoqlarida 9 raqamli tizimga o‘tiladi

Toshkent shahar telefon tarmog‘ida 10-sentabrdan 30-sentabrgacha 9 raqamli raqamlash tizimiga o‘tish bo‘yicha ishlar amalga oshiriladi. Bu haqda kompaniya axborot xizmati ma’lum qildi.

Bugungi kunda mavjud telefon raqamini terishdan oldin “71” kodini terish kerak.

10—11-sentabr kunlari “Buzton”, “East telekom”, “Satkor telekom”, “Sharq telekom” operatorlar tarmog‘ida 9 raqamli raqamlash tizimiga o‘tish bo‘yicha ishlar amalga oshiriladi. Telefon raqamini terishdan oldin “78” kodini terish kerak.

Shu muddatda mobil operatorlar tarmog‘ida ham 9 raqamli raqamlash tizimiga o‘tish bo‘yicha ishlar amalga oshiriladi. Mobil telefon raqamini terishdan oldin uyali kompaniyaning kodini terish kerak.