Toshkent uchun ishlab chiqarilayotgan MAN avtobuslarining har bittasi 1,8 mlrd so‘m turadi

Samarqand shahri tashqarisida joylashgan JV MAN Auto-Uzbekistan korxonasida ishlab chiqariluvchi katta sig‘imli bitta MAN avtobusi Toshkentga 1,8 milliard so‘mga tushishi ma’lum bo‘ldi, deb yozadi “Podrobno.uz” hukumat qaroriga tayanib.

Hujjatga muvofiq, bu yil “Toshshahartransxizmat” jami qiymati 150,9 milliard so‘mga teng 80 ta katta sig‘imli MAN shahar avtobuslarini olishi kerak.

Bundan tashqari, kompaniya umumiy qiymati 56,3 milliard so‘mlik 30 ta shaharlararo MAN avtobuslarini sotib olishni rejalashtirmoqda.