Farg‘onada 26 yashar yigit ajrashish uchun FHDYOga kelgan xotinini o‘ldirdi

2018-yil 5-sentabr kuni soat 10:00 larda Farg‘ona viloyati, Dang‘ara tumani, Doimobod qishlog‘ida yashovchi, 1992-yilda tug‘ilgan I. rafiqasi, 1993-yilda tug‘ilgan S. bilan nikohni bekor qilish uchun tuman FHDYO bo‘limi binosiga keladi. Bu haqda Bosh prokuratura matbuot xizmati ma’lum qildi.

Bu yerda u o‘zaro kelishmovchilik oqibatida yonida bo‘lgan pichoq bilan turmush o‘rtog‘iga tan jarohatlari yetkazib, qasddan o‘ldirgan.

Mazkur holat yuzasidan tuman prokuraturasi tomonidan I. ga nisbatan Jinoyat kodeksining 97-moddasi 1-qismi bilan jinoyat ishi qo‘zg‘atilib, tergov harakatlari o‘tkazilmoqda.