Yangiyo‘lda fuqaro MIB xodimiga pora berishga urindi

Prokuratura huzuridagi departamentning Yangiyo‘l tumani bo‘limi tomonidan Majburiy ijro byurosi Piskent tuman bo‘limi katta inspektori I.B.ning bildirgisiga asosan tezkor tadbir o‘tkazildi.

Fuqaro O.Ya. o‘ziga tegishli bo‘lgan “Madaniyat” mahallasi, Fayzli ko‘chasida joylashgan nonvoyxonada gaz va elektr tarmoqlariga ulanish nuqtalaridan foydalanish qonuniyligini tekshirmaslik, dalolatnoma rasmiylashtirmaslik va hujjatlarni tegishli tartibda ro‘yxatdan o‘tkazmaslik evaziga Yangiyo‘l tumaniga xizmat safariga yuborilgan MIB Piskent tuman bo‘limi katta inspektori I.B.ga pora tariqasida 500 ming so‘m bergan vaqtda ushlangan.

Mazkur holat yuzasidan fuqaro O.Ya.ga nisbatan Jinoyat kodeksinining 211-moddasi 1-qismi bilan jinoyat ishi qo‘zg‘atilib, tergov harakatlari o‘tkazimoqda.