Bloomberg: Roman Abramovich “Chelsi”ni 3 mlrd funtga sotishga tayyor

Milliarder Roman Abramovich “Chelsi” klubini sotib yuborishi mumkin. Bu haqda Bloomberg xabar berdi.

Abramovichning hozirgi holati bilan tanish bo‘lgan manba uning London klubini 3 milliard funtga  sotish mumkin deb hisoblamoqda.

Avvalroq Roman Abramovich Britaniyaning boy kishilaridan bo‘lgan Jim Retkliff taklifini rad etgandi. Jim “Chelsi” uchun 2,3 milliard funt taklif qilgan.

Ma’lumot uchun, rossiyalik tadbirkor “Chelsi”ni 2003-yilda 140 million funtga sotib olgandi. Klub bu muddatda APLni 5, Angliya Kubogini 2, Angliya Liga kubogini 3 marta qo‘lga kiritdi. Bundan tashqari londonliklar bir martadan Yevropa Chempionlar Ligasi hamda Yevropa Ligasida g‘olib chiqdi.