So‘rov: Putin dunyo ishonchi bo‘yicha reytingda Trampni ortda qoldirdi

Dunyoning yetakchi mamlakatlari aholisi Amerika prezidenti Donald Trampning siyosatidan ko‘ra, uning rossiyalik hamkasbi Vladimir Putin tanlagan siyosiy yo‘lga ko‘proq ishonadi, deb yozadi “Gazeta.ru” Pew Research Center tadqiqotlariga tayanib.

Tadqiqot markazi ma’lumotlariga ko‘ra, Putinga yetakchi mamlakatlar aholisining 30 foizi ishonch bildiradi. Tramp Rossiya yetakchisidan 3 foizga ortda qoldi — uning siyosatiga so‘rov qatnashchilarining 27 foizi ishonadi.

So‘rovda dunyo ishonchi bo‘yicha eng yuqori reyting Germaniya kansleri Angela Merkelda qayd etildi — u 52 foizni tashkil etdi. Undan keyingi o‘rinlarda Fransiya prezidenti Emmanuel Makron 36 foiz va Xitoy yetakchisi Si Szinpin 34 foiz ko‘rsatkich bilan joylashdi.