2018-yilda 14195 kishi doimiy yashash uchun O‘zbekistondan xorijga ko‘chib ketgan

2018-yil yanvar-sentabr oylarida xorijiy mamlakatlardan O‘zbekistonga doimiy yashash uchun 1961 kishi ko‘chib kelgan bo‘lsa, 14195 kishi xorijiy mamlakatlarga doimiy yashash uchun ko‘chib ketgan. Bu haqda Turon 24 xabar berdi.

9 oy davomida doimiy yashash uchun O‘zbekistonga ko‘chib kelganlar orasida Qozog‘iston fuqarolari (31 foiz) yetakchilik qilmoqda. Undan keyingi o‘rinlarda Tojikiston (28,3 foiz) va Rossiya (25,3 foiz) fuqarolari o‘rin olgan.

Yanvar—sentabr oylarida doimiy yashash uchun O‘zbekistondan chiqib ketganlarning 48,1 foizi Qozog‘istonga, 46 foizi Rossiyaga va 3,4 foizi boshqa mamlakatlarga, 1,3 foizi AQShga ketgan.