Shavkat Mirziyoyevning Qashqadaryoga safari, Madaniyat vazirligi va Sport qo‘mitasi rahbarlari, internetga ulanadigan yangi Nokia 3310 va kunning boshqa muhim xabarlari

24-fevralning e’tiborga molik yangiliklari — “Daryo”ning kechki dayjestida.

1. Kun fotosi: O‘zbekiston Prezidenti yakkayog‘ochlik Alisher Ahmedov xonadonida mehmon bo‘ldi. Shavkat Mirziyoyev Qashqadaryo viloyati bo‘ylab safar qilmoqda.

2. Alisher Navoiy teatri direktori Mahmud Muratov O‘zbekiston madaniyat vaziri etib tayinlandi. Prezidentning 15-fevraldagi farmoni bilan Madaniyat va sport ishlari vazirligi tugatilgan edi.

3. Rustam Qurbonov yangi tashkil etilgan O‘zbekiston Jismoniy tarbiya va sport qo‘mitasi raisi etib tayinlandi. U o‘z vaqtida O‘zbekiston Madaniyat va sport ishlari vazirligiga rahbarlik qilgan.

4. Andijon viloyatining ikki tumanida yangi hokimlar: Ulug‘norga Abdug‘ofir Sulaymonov, Bo‘zga esa Doniyorbek Adilboyev rahbar etib tayinlandi.

5. OAV: Yangilangan Nokia 3310 internetga ulanishi mumkin. Biroq unda sahifalarni ko‘rish imkoni cheklangan bo‘ladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!