Indoneziyada halokatga uchragan Boeing yo‘lovchisi yo‘ldagi tiqilinch tufayli omon qoldi

Indoneziyaning 29-oktabrda halokatga uchragan Lion Air aviakompaniyasi samolyotiga chipta olgan erkak aeroportga borishda yo‘l tiqiniga duch kelib, o‘limdan omon qoldi. Bu haqda The Mirror xabar bermoqda.

Kech qolgan yo‘lovchi Indoneziya moliya vazirligi hodimi Soni Setyavan bo‘lib chiqdi. U reysiga kech qolib, boshqa aviakompaniyaning keyingi reysiga chipta oladi va halokat haqida qo‘nganidan so‘ng xabar topadi.

“Do‘stlarim bilan doim JT-610 reysida uchardik. Bu gal pullik yo‘ldagi harakatlanish nega shunchalik yomon bo‘lganini bilmayman. Odatda Jakartaga tungi soat 3 da kelar edim, biroq o‘sha kuni ertalabki 06:20 ga yetib borib, samolyotga ulgurmadim. Halokat haqida eshitib, yig‘lab yubordim, bortda do‘stlarim bor edi”, — deydi Setyavan.