Rossiya Kim Chon Namni o‘ldirishda gumonlanayotganlarni qo‘lga olishdan bosh tortdi

Rossiya huquq-tartibot organlari Janubiy Koreya so‘roviga ko‘ra Kim Chon Namning o‘limiga aloqadorlikda gumonlanuvchilarni qo‘lga olishdan bosh tortdi, deb yozadi Meduza. Bu haqda o‘zining diplomatik manbalariga tayanib, “Chunan ilbo” xabar berdi.

Nashr ta’kidlashicha, qotillikdan so‘ng KXDRning to‘rt fuqarosi Malayziyani tark etib, Jakarta, Dubay, Moskva va Vladivostok orqali Pxenyanga jo‘nab ketgan. Janubiy Koreya Rossiyaga gumonlanuvchilarni tutish haqida so‘rov yubordi, ammo Moskvadagilar buning uchun yetarlicha asos topmadi.

Rossiya tomoni Janubiy Koreya so‘roviga hech qanday izoh bergani yo‘q.