Serxio Aguero YChLning ketma-ket 6 ta safar o‘yinida gol urdi, undan oldinda faqat Ronaldu bor

27-noyabr, seshanba kuni futbol bo‘yicha Yevropa Chempionlar Ligasi 5-turi doirasida “Manchester Siti” jamoasi safarda “Lion” bilan 2:2 hisobida durang qayd etdi.

O‘yinning 83-daqiqasida Serxio Aguero “Siti”ga bir ochko taqdim etgan golga mualliflik qildi.

Shu tariqa Aguero Chempionlar Ligasida ketma-ket 6 ta safar o‘yinida gol kiritdi. Serxio safarda o‘yinlarda gol urish borasida (seriya) faqat Krishtianu Ronaldudan ortda qolmoqda. Ronaldu o‘z vaqtida musobaqaning 12 ta safar o‘yinida ketma-ket gol urishga muvaffaq bo‘lgan.