Ekranli ilk “aqlli” likop taqdim etildi

Indiegogo xizmati birinchi displeyli “aqlli” likopni taqdim etdi. Ekranda suratlar va videoni ham ko‘rish mumkin, deb yozmoqda Hi-Tech Mail.Ru.

Displey Android va iOS smartfonlari bilan Bluetooth orqali sinxronlashadi. Shu tariqa tarelkadagi ekranda tasvirni ko‘rsatish mumkin. Bu taomni bezashga yoki uning yordamida bolalarning e’tiborini tortishga yordam beradi. Ekran ustiga sovuq va issiq ovqatni solish mumkin, u suv tushishidan himoyalangan va uni yuvish ham mumkin.

Likop simsiz quvvatlanadi, bir martalik to‘liq quvvat displeyning to‘rt soat ishlashi uchun yetadi. 3000 milliamper/soat sig‘imiga ega akkumulyator hisobiga uning vazni 600 grammni tashkil qiladi.