SSSR Oliy Sovetining oxirgi raisi vafot etdi

SSSR Oliy Sovetining oxirgi raisi Anatoliy Lukyanov 9-yanvar kuni 89 yoshida vafot etdi. Bu haqda “RIA Novosti” xabar bermoqda.

1953-yilda Moskva davlat universtiteti yuridik fakultetini tamomlagan Anatoliy Lukyanov 1956-yili SSSR Ministrlar kengashida ish boshladi, 1961-yildan boshlab esa SSSR Oliy Soveti Prezidiumida faoliyatini davom ettirdi.

1976—1977-yillarda SSSR Konstitutsiyasi loyihasini tayyorlashda ishtirok etdi.

1990-yilda, Mixail Gorbachyov Sovet Ittifoqi prezidenti etib saylanganidan so‘ng SSSR Oliy Sovetini boshqardi. 1991-yili GKCHP faoliyatida ishtirok etgan va hokimiyatni egallashga uringani uchun hibsga olingandi. 1994-yilda avf etildi.

U 1993-yilda Rossiya davlat dumasi deputati etib saylangan, 1994—2000-yillarda Rossiya Kommunistlar partiyasi markaziy qo‘mitasi prezidiumi tarkibiga kirgandi.