Amerikaning Dragon kosmik kemasi Tinch okeaniga muvaffaqiyatli qo‘ndi

Xalqaro kosmik stansiyasidan parvozni amalga oshirgan Amerikaning Dragon yuk tashuvchi kosmik kemasi 14-yanvar kuni tinch okeanining Janubiy Kaliforniya shtati qirg‘oqlari yaqinida muvaffaqiyatli kelib qo‘ndi. Bu haqda SpaceX kemasi ishlab chiqaruvchi kompaniya xabar berdi, deb yozmoqda “Interfaks”.

Dragon kosmik kemasi Yerga XKS bortida ekipaj tomonidan o‘tkazilgan eksperiment natijalarini keltirgan.

Ayni paytda Dragon Xalqaro kosmik stansiyada yuklarni Yerga qaytarib berish imkoniyatiga ega bo‘lgan yagona kosmik kema hisoblanadi.