Qashqadaryoda aliment to‘lashdan bo‘yin tovlagan 7 kishiga 15 sutka ma’muriy qamoq jazosi tayinlandi

Majburiy ijro byurosi Qashqadaryo viloyat Nishon tuman bo‘limi tomonidan o‘z farzandini moddiy ta’minlashdan bo‘yin tovlab yurgan otalarni aniqlash va aliment to‘lovlarini undirish bo‘yicha tizimli ishlar olib borilmoqda, deb xabar berdi MIBning Nishon tuman bo‘limi matbuot xizmati.

Nishon tuman hokimligi binosida keng jamoatchilik ishtirokida o‘tkazilgan ochiq sayyor sud majlisida jami to‘lanishi lozim bo‘lgan 143 861 995 so‘m aliment pulini to‘lovini bo‘yin tovlab kelayotgan 7 shaxsga nisbatan 15 sutka ma’muriy qamoq jazolari tayinlandi.

Shuningdek olib borilgan targ‘ibot va qonon talablari tushuntirilishi oqibatida 4 shaxsdan 34 736 536 so‘m aliment to‘lovlarini undirishga erishildi.