Samarqandga bu yil 500 ming xorijiy sayyoh kelishi kutilmoqda

O‘tgan yili Samarqand viloyatiga  100 dan ortiq davlatlardan 351 ming chet ellik hamda 2 million mahalliy sayyohlar tashrif buyurib, ularga 116,7 million dollarlik xizmatlar ko‘rsatildi. Bu haqda viloyat hokimining o‘rinbosari B.Nurullayev viloyat Kengashi deputatlariga hisobotida ma’lum qildi, deb yozadi “Zarnews.uz”.

Joriy yilda viloyatga 500 ming xorijiy va 2,5 million mahalliy sayyohlar kelishi kutilmoqda. Turistik xizmatlar sifatini va ko‘lamini kengaytirish, ularning vaqtini mazmunli tashkil etishda shart-sharoitlar yaratish evaziga sayyohlarning viloyatda bo‘lish muddati 3-3,5 kungacha uzayadi. Turistik xizmatlar eksporti 220 million dollarga yetkaziladi.