Saudiya Arabistonida samolyot go‘dagini unutgan yo‘lovchi sabab aeroportga qaytdi

Saudi Arabian Airlines samolyoti aeroportda yo‘lovchilardan biri emizikli bolasini unutib qoldirgani esiga tushgach, Jidda shahridagi Qirol Abdulaziz aeroportiga qaytishga majbur bo‘ldi. Bu haqda “Korrespondent.net” xabar berdi.

Samolyot kapitani va dispetcher o‘rtasidagi yozib olingan suhbat portalga joylangan. Unda dispetcher samolyot aeroportga qaytishining sababini yana bir bor so‘ragan. Bunga javoban uchuvchi asabiy ohangda yo‘lovchilardan biri terminal binosida bolasini unutib qoldirganini, endi esa uchishdan bosh tortayotganini aytgan.

Unutuvchan ayol bu ishi uchun jazolangani yoki yo‘qligi noma’lum.