Toshkentda qurilish: Toshkent davlat pedagogika universitetining eski binolarida qurilish ishlari davom etmoqda. “Daryo” fotoreportaji

O‘zbekiston Respublikasining Birinchi Prezidenti Islom Karimovning 2016-yil 13-maydagi farmoni bilan Alisher Navoiy nomidagi Toshkent davlat o‘zbek tili va adabiyoti universiteti yaratilishi belgilangan edi.

Vazirlar Mahkamasining xuddi shu sanadagi qaroriga binoan, yangi tashkil etilgan o‘quv yurti Toshkent davlat pedagogika universitetining Yusuf Xos Hojib ko‘chasi, 103-uy hududidagi asosiy binosiga joylashishi e’lon qilingan.

Bugungi kunda ushbu hududlarda qurilish hamda rekonstruksiya ishlari oldindan rejalashtirilgan grafik asosida olib borilmoqda. Xususan, universitet atrofidagi va kirish qismidagi yerosti eski quvurlar o‘rniga yangilarini o‘rnatish, yaroqlilik muddati o‘tib, nurab qolgan betonlar, devorlarni yangilari bilan almashtirish, Nizomiy Ganjaviyning boshqa manzilga olib o‘tilgan haykali atrofidagi aylanma yo‘lning yo‘nalishlarini qulay shaklga keltirish harakatlari olib borilmoqda.

Aholi va talabalarning piyoda harakatlanishi uchun qulay sharoit hozirlash maqsadida yo‘lkalar hamda maxsus yo‘laklar barpo etilishi rejalashtirilmoqda.

Eslatib o‘tamiz, avvalroq ushbu hudduda joylashgan Nizomiy nomidagi Toshkent davlat pedagogika universiteti (TDPU) 1-son Toshkent pedagogika kolleji binolariga ko‘chirib o‘tkazilgan va muassasa uchun yangi binolar qurilishi 2017-yilning 1-avgustiga qadar tugatilishi lozim.

“Daryo”ning Telegram’dagi rasmiy kanali — @toshqindaryo’ga a’zo bo‘ling!