Amerikaning eng yangi “Jerald Ford” harbiy kemasi sinovlar vaqtida ishdan chiqdi

2017-yil may oyida ishga tushirilgan yadroviy avianosets (harbiy samolyotlar uchishi va qo‘nishi uchun mo‘ljallangan harbiy kema) “Jerald R. Ford” (CVN-78) dengizda sinovlar paytida buzildi, deya xabar beradi “Gazeta.ru”.

Nosozlik avianosetsning bug‘ turbinalarida aniqlangan. Kemaning yadroviy uskunalarini ta’mirlashga ehtiyoj yo‘qligi ta’kidlandi.

Ma’lumotlarga qaraganda, texnik tuzatishlarning uch oyga cho‘zilishi sababli kema AQSh harbiylariga muddatidan kech — shu yilning oktabr oyida topshirilishi ko‘zlanmoqda.

Ayni paytda avianosets harbiy jihatdan tayyor emas.