Pokistonda yuk mashinasi kulbani bosib qoldi, yetti kishi halok bo‘ldi

Pokiston shimoli-g‘arbidagi Kvetta shahrida yuk mashinasi afg‘onistonlik qochoqlar bo‘lgan kulba ustiga ag‘darilib ketishi natijasida yetti kishi, shu jumladan to‘rt nafar bola halok bo‘ldi, deb yozadi “RIA Novosti”.

Politsiya ma’lumotlariga ko‘ra, hodisa qum ortilgan mashina yukini tushirayotgan vaqtda sodir bo‘lgan. Kulba afg‘onistonlik qochoq Sher Muhammadga tegishili bo‘lgan. U o‘z jonini omon saqlashga muvaffaq bo‘lgan, ammo uning farzandlari halok bo‘lgan.

Pokistonda yashayotgan afg‘onistonlik qochoqlarning bir yarim millioni ro‘yxatdan o‘tgan bo‘lsa, yana bir millionga yaqini ro‘yxatdan o‘tmagan.