Sirdaryoda o‘tkazilgan “Tozalash-Antiterror” tadbiri davomida 16 ta jinoyat fosh etildi

Sirdaryo viloyatida o‘tkazilgan “Tozalash-Antiterror” tadbiri davomida 4310 ta ma’muriy huquqbuzarlik holati aniqlandi, ulardan 833 tasi pasport-viza tartibi buzilishiga tegishli. Bu haqda “Daryo”ga viloyat IIB matbuot xizmati xabar berdi. 

Doimiy yashash manzili va ish joyiga ega bo‘lmagan 49 nafar shaxs reabilitatsiya markaziga joylashtirildi.

Huquqbuzarliklar sodir etganligi yoki shubha uyg‘otganligi uchun 7462 nafar fuqaro ichki ishlar bo‘limi va militsiya tayanch punktlariga keltirildi. 

Olingan tezkor xabar va ma’lumotlar yordamida 16 ta jinoyat fosh etildi. 12 nafar qidiruvdagi shaxs qo‘lga olindi, 2 nafar bedarak yo‘qolgan shaxs aniqlandi.