Markaziy Osiyo sportchilari Toshkentdagi motosiklchilar mavsumida qatnashish uchun keldi (foto)

Toshkentdagi NEXT ko‘ngilochar majmuasida Markaziy Osiyo mototsiklchilari mavsumining ochilishiga bag‘ishlangan tadbir bo‘lib o‘tdi. Bu haqda O‘zA xabar berdi.

Ushbu tantanali marosimda o‘zbek sportchilaridan tashqari Rossiya, Tojikiston, Qozog‘iston, Qirg‘izistondan 300 nafarga yaqin havaskor va professional mototsiklchilar ishtirok etdi.

Toshkent shahar hokimiyati, O‘zbekiston turizmni rivojlantirish davlat qo‘mitasi va boshqa qator tashkilotlar hamkorligida o‘tkazilgan tadbir tashrif buyurganlarga manzur bo‘ldi.