O‘zbekiston delegatsiyasi Gaagada o‘tgan elektron sudlov tizimi xalqaro forumida ishtirok etdi

O‘zbekiston delegatsiyasi elektron sudlov tizimi xalqaro forumida ishtirok etdi. Bu haqda “Daryo”ga Oliy sud matbuot xizmati ma’lum qildi.

O‘zbekiston axborot elektron sudlov tizimi forumda ko‘plab nufuzli mehmonlar e’tiborini tortdi.

Xususan, “Butundunyo odil sudlov” loyihasi prezidenti va bosh direktori Vilyam Neukman forum doirasida tashkil etilgan milliy E-SUD elektron tizimi axborot burchagini ko‘zdan kechirarkan, O‘zbekistonda bu yo‘nalishda amalga oshirilayotgan ishlarga yuqori baho berdi.

Shuningdek, Gaagada o‘tgan forum doirasida O‘zbekiston delegatsiyasi BMT bosh kotibi yordamchisi, BMT taraqqiyot dasturi bosh direktori Asako Okay bilan uchrashib, kelgusidagi o‘zaro hamkorlik haqida kelishib oldi.