Seuldagi kvartirada yuz bergan yong‘inda jarohat olgan ikkinchi o‘zbekistonlik talaba ham vafot etdi

2019-yil 9-may kuni Seuldagi kvartirada yuz bergan yong‘in natijasida og‘ir kuyish jarohatini olgan o‘zbekistonlik talaba Mutal Yo‘ldoshev 19-may kuni “Hanil” kasalxonasida vafot etdi. Bu haqda TIV matbuot xizmati ma’lum qildi.

Hozirda marhumning jasadini otasi va akasi hamrohligida Seuldan Toshkentga jo‘natishda yordam ko‘rsatish bo‘yicha choralar ko‘rilmoqda.

Eslatib o‘tamiz, ushbu kvartirada istiqomat qilgan yana bir o‘zbekistonlik talaba Farrux Mo‘minov voqea joyida halok bo‘lgandi.