OAV: Xitoy quruqlikdagi qo‘shinlari sonini 200 ming kishiga qisqartiradi

Xitoy armiya islohoti doirasida quruqlikdagi qo‘shinlar sonini to‘rtdan biriga — 200 ming kishiga qisqartirishi mumkin. Bu haqda “TASS” xabar bermoqda. 

Gonkongning South China Morning Post nashriga ko‘ra, quruqlikdagi qo‘shinlarga mansub 18 ta armiyadan 5 tasi tarqatib yuboriladi. 

Mazkur tuzilmalar harbiy xizmatchilari zaxiraga bo‘shatilishi yoki boshqa qo‘shin turlari — harbiy-havo, harbiy-dengiz kuchlari yoki raketa qo‘shinlariga o‘tkazilishi mumkin. 

Ma’lumot uchun, 2015-yilda Xitoy rahbari Si Szinpin tomonidan boshlangan keng ko‘lamli islohotlarda mamlakat armiyasi 2018-yilga kelib 300 ming kishiga — 2 million harbiy xizmatchigacha qisqarishi ko‘zda tutilgan.