MDH ichki ishlar organlari hamkorligi natijasida soxta pasportlar yasaydigan juda katta jinoiy guruh fosh etildi

Toshkentda MDHga a’zo davlatlar ichki ishlar vazirlari Kengashi yig‘ilishi bo‘lib o‘tmoqda, deb xabar berdi O‘zA.

Yig‘ilishda barcha ichki ishlar vazirlari xavfsizlikni ta’minlash borasida qanday zamonaviy talablar ko‘yilayotgani, bunga javoban amalda qilinayotgan ishlar haqida qisqacha ma’lumot berdi. MDHda terrorizmga qarshi kurashish borasidagi dolzarb vazifalarga e’tibor qaratildi.

Bu boradagi o‘zaro hamkorlik natijasida soxta pasportlar yasaydigan juda katta jinoiy guruh fosh etilgan.

Turli ekstremistik, terroristik tashkilotlar xavfining oldini olish bo‘yicha amaliy choralar ko‘rilmoqda. Bunda terrorizmga qarshi kurashish bo‘yicha tegishli hujjat imzolangani zarur huquqiy asos bo‘ldi.

Terrorizmga qarshi kurashishda zamonaviy texnologiyalardan foydalanish, o‘zaro hamkorlik ko‘lamini yanada kengaytirishga e’tibor qaratiladi.

Tadbir o‘zaro muloqot qilish, muzokara olib borish, hujjatlar imzolash kabi jarayonlarda davom etadi.