Buxoroda ko‘z kasalliklari shifoxonasining yangi binosi foydalanishga topshirildi

Buxoroda ko‘z kasalliklari shifoxonasining 50 o‘ringa mo‘ljallangan yangi zamonaviy binosi foydalanishga topshirildi. Bu haqda viloyat sog‘liqni saqlash boshqarmasi boshlig‘i Ilhom Narziyev xabar berdi.

“Omega Agro Stroy” MChJ tomonidan qurib bitkazilgan ushbu bino uchun mahalliy budjetdan 5 milliard 200 million so‘m mablag‘ ajratilgan. Shifoxona 1,2 milliard so‘mlik zamonaviy tibbiy diagnostika vositalari, jihozlar bilan ta’minlangan.

Shifoxonada bemorlar uchun maxsus va umumiy xonalar mavjud. Bemorlarga yuqori malakali ixtisoslashtirilgan tibbiy yordam ko‘rsatish bilan birga, ko‘z kasalliklari profilaktikasi, diagnostikasi va davolashning zamonaviy ilg‘or usullari qo‘llaniladi.