Rasman: “Real”dan haydalgan Lopetegi “Sevilya”ga bosh murabbiy bo‘ldi

“Sevilya” o‘ziga yangi murabbiy topdi. Bu haqda klubning rasmiy saytida xabar berildi.

Jamoani Ispaniya terma jamoasi hamda “Real” sobiq bosh murabbiyi Xulen Lopetegi boshqaradigan bo‘ldi.

Tomonlar 3 yillik shartnoma imzoladi. Lopotegi Xoakin Kaparros o‘rniga “Sevilya” bosh murabbiyi bo‘ldi, Xoakin esa mavsum o‘rtalarida Pablo Machin o‘rniga kelgandi.

Eslatib o‘tamiz, Lopetegining so‘nggi ish joyi “Real”da bo‘lgan. U mavsum boshidan oktabr oyiga qadar “Qirollik klubi”ni boshqargandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!